Plantun de Prouvènço

Pèr coumpara dos planto d'encò nostre

Carex halleriana & Stellaria nemorum subsp. montana

Queirello(-de-Haller)

Carex halleriana

Cyperaceae

Àutri noum : Moutouso, Sagneto.

Nom en français : Laiche de Haller.

Descripcioun :
Aquesto moutouso èi coumuno dins tout lou relarg prouvençau. Trachis en mato basso (10-30 cm) sènso fiéu (estouloun) emé de fueio fino qu'an un soulet espiguet mascle e quàuquis espiguet femello en aut di cambo. N'i'a de femello, e acò èi la particularita d'aquesto meno, que vènon en bas di souco (ginobasico). Li flour femello an 3 estimato. Coumpara emé Carex humilis que resto dins lou meme relarg e ié sèmblo un pau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Blanco
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Colo - Garrigo - Tepiero seco
Estànci : Termoumediterran à Subaupen
Couroulougi : Pancaro entresigna
Ref. sc. : Carex halleriana Asso, 1779

Esteleto(-de-mountagno)

Stellaria nemorum subsp. montana

Caryophyllaceae

Nom en français : Stellaire à graines barbues.

Descripcioun :
L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Jun à avoust

Liò : Bos fres - Prado à rousèu - Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex halleriana & Stellaria nemorum subsp. montana

CCC

Coumpara Queirello(-de-Haller) emé uno autro planto

Coumpara Esteleto(-de-mountagno) emé uno autro planto